ଯାଜପୁର ଗସ୍ତରେ ମୁଖ୍ୟମନ୍ତ୍ରୀ, ୪୬ ପ୍ରକଳ୍ପର କରିବେ ଶୁଭାରମ୍ଭ

ଯାଜପୁର ଜିଲ୍ଲାର କଳିଙ୍ଗନଗର ଗସ୍ତ କରିବେ ମୁଖ୍ୟମନ୍ତ୍ରୀ ମୋହନ ମାଝୀ। କଳିଙ୍ଗନଗରରେ ୧୪ଟି ଜିଲ୍ଲା ପାଇଁ ବିଭିନ୍ନ ପ୍ରକଳ୍ପର ଉଦଘାଟନ ଏବଂ ଭିତ୍ତିପ୍ରସ୍ତର ସ୍ଥାପନ କରିବେ। ୩୯ହଜାର ୩୮୨କୋଟି ଟଙ୍କାର ୪୬ଟି ପ୍ରକଳ୍ପ ଉଦଘାଟନ କରିବେ ମୁଖ୍ୟମନ୍ତ୍ରୀ। ଫଳରେ ରାଜ୍ୟରେ ୪୨ହଜାର ନିଯୁକ୍ତି ସୃଷ୍ଟି ହେବା ନେଇ ଆଶା ରହିଛି। ମୁଖ୍ୟମନ୍ତ୍ରୀ ପୂର୍ବାହ୍ନରେ କଳିଙ୍ଗନଗରରେ ପହଞ୍ଚିବା ପରେ ତେଲିବାହାଳି ପଡିଆରେ ଆୟୋଜିତ ବିଶାଳ ଜନସଭାରେ ଯୋଗଦେବେ। ଏହାପରେ ମୁଖ୍ୟମନ୍ତ୍ରୀ ଇମ୍ଫା ଏବଂ ଜିନ୍ଦଲ ଷ୍ଟେନ୍ ଲେସ୍ ଲିମିଟେଡ୍ ର ନୂତନ ବ୍ଲାଷ୍ଟ ଫର୍ଣ୍ଣେସର ଉଦ୍ ଘାଟନ କରିବାର କାର୍ଯ୍ୟକ୍ରମ ରହିଛି। ଶାନ୍ତିଶୃଙ୍ଖଳା ଓ ସୁରକ୍ଷା ଦୃଷ୍ଟିରୁ ଯାଜପୁର ପୁଲିସ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି। ସୁରକ୍ଷା ଦାୟିତ୍ୱରେ ୨୨ ପ୍ଲାଟୁନ ପୁଲିସ ଫୋର୍ସ, ୧୦୦ ଜଣ ହୋମଗାର୍ଡ ଏବଂ ଅତିରିକ୍ତ ଏସପିଙ୍କ ଠାରୁ ଏଏସ୍ ଆଇ ପାହ୍ୟାର ପ୍ରାୟ ୧୫୦ ଜଣ ଅଧିକାରୀ ମୁତୟନ ରହିବେ।