By Odisha Prabhab 
କିଏ ଏହି ସୁନ୍ଦରୀ କିନ୍ନର ଯାହାର ସୁନ୍ଦରତାର ପ୍ରଶଂସା ଓଡ଼ିଆ ଚଳଚ୍ଚିତ୍ର ଜଗତରେ ଚହଳ ପକାଇଛି । ଶୁଭାଙ୍ଗୀ ବେହେରା (ଭୂମି) ଜଣେ କିନ୍ନର ନିଜର ଟ୍ୟାଲେଣ୍ଟ ବଳରେ ଆଜି ଓଡ଼ିଆ ସିନେମା ଜଗତରେ ପ୍ରଥମ ଥର ପାଇଁ “ଅଭିସାର” ଫିଲ୍ମରେ ମୁଖ୍ୟ ନାୟିକା ହିସାବରେ ପାଦ ଥାପିବାକୁ ଯାଉଛନ୍ତି । ତାଙ୍କର ସୁନ୍ଦରତା ପ୍ରଶଂସା ସବୁ ମହଲରେ ଚର୍ଚ୍ଚା ହେଉଛି। ତାଙ୍କ ସରଳତା ହେଉଛି ତାଙ୍କ ପରିଚୟ।ଓଡ଼ିଆ ସିନେମା ଇତିହାସରେ ‘ଅଭିସାର’ ଫିଲ୍ମ ଏକ ନୂଆ ଅଧ୍ୟାୟ ଯୋଡ଼ିଛି। କାରଣ ଏହି ଫିଲ୍ମରେ ପ୍ରଥମ ଥର ପାଇଁ ଜଣେ କିନ୍ନର ମହିଳା ମୁଖ୍ୟ ନାୟିକା ଭୂମିକାରେ ନଜର ଆସିଛନ୍ତି। ତାଙ୍କ ନାମ ଶୁଭାଙ୍ଗୀ ବେହେରା (ଭୂମି) ଏହା କେବଳ ଏକ ଫିଲ୍ମର କାହାଣୀ ନୁହେଁ, ବରଂ ସମାଜରେ ଦୀର୍ଘଦିନ ଧରି ଅବହେଳିତ ହୋଇଆସୁଥିବା ଏକ ସମ୍ପ୍ରଦାୟର ସ୍ୱର। ଫିଲ୍ମର ନାୟିକା ନିଜ ଜୀବନର ସଂଘର୍ଷ, କଷ୍ଟ, ଅପମାନ ଏବଂ ସଫଳତା ବିଷୟରେ ଖୋଲାଖୋଲି ଆଲୋଚନା କରିଛନ୍ତି। ତାଙ୍କ ଜୀବନ କାହାଣୀ ଆଜି ଅନେକ କିନ୍ନରଙ୍କ ପାଇଁ ପ୍ରେରଣା ପାଲଟିଛି।
13 ବର୍ଷ କରୁଥିଲେ ଯେ ସେ ଅନ୍ୟମାନଙ୍କଠାରୁ ଭିନ୍ନ। ଏବଂ ଏବେ ତାଙ୍କ ପରିବାରରେ ସମସ୍ତେ ତାଙ୍କୁ ସମର୍ଥନ କରନ୍ତି ସେ ନିଜର ପରିଚୟ କେବେ ସମାଜ କୁ ଲୁଚାଇନାହାନ୍ତି ।
‘ଅଭିସାର’ ଫିଲ୍ମରେ ଅଭିନୟ କରିବା ପୂର୍ବରୁ ସେ ଅନେକ ସଂଘର୍ଷର ସାମ୍ନା କରିଥିଲେ। ଫିଲ୍ମ ଜଗତରେ ସୁଯୋଗ ପାଇବା ତାଙ୍କ ପାଇଁ ସହଜ ନଥିଲା।
ଫିଲ୍ମର ପ୍ରଚାର ସମୟରେ ସେ କହିଥିଲେ ଯେ ଜୀବନରେ ସବୁଠାରୁ ବଡ଼ ସଂଘର୍ଷ ହେଉଛି ସମାଜର ସ୍ୱୀକୃତି ପାଇବା। ଯେତେବେଳେ ଜଣେ ମଣିଷଙ୍କୁ ତାଙ୍କ ପ୍ରତିଭା ନୁହେଁ, ବରଂ ପରିଚୟ ଆଧାରରେ ବିଚାର କରାଯାଏ, ସେତେବେଳେ ତାଙ୍କ ଯନ୍ତ୍ରଣାକୁ ବୁଝିବା ସହଜ ନୁହେଁ। କିନ୍ତୁ ସେ କେବେ ନିଜ ପରିଚୟକୁ ଲୁଚାଇନଥିଲେ। ବରଂ ଗର୍ବର ସହ କହିଛନ୍ତି ଯେ ସେ କିନ୍ନର ସମ୍ପ୍ରଦାୟର ଜଣେ ସଦସ୍ୟା ଏବଂ ଏହା ତାଙ୍କ ପାଇଁ ଗୌରବର ବିଷୟ।
‘ଅଭିସାର’ କେବଳ ଏକ ଚଳଚ୍ଚିତ୍ର ନୁହେଁ, ଏହା ଅନେକ ଲୋକଙ୍କ ମନୋଭାବ ପରିବର୍ତ୍ତନ କରିବାର ଏକ ପ୍ରୟାସ। ଫିଲ୍ମ ମାଧ୍ୟମରେ ଏହା ଦର୍ଶାଯାଇଛି ଯେ ଜଣେ କିନ୍ନର ମଧ୍ୟ ନିଜ ସ୍ୱପ୍ନକୁ ସାକାର କରିପାରେ, ସମାଜରେ ସମ୍ମାନର ସହ ବଞ୍ଚିପାରେ ଏବଂ ନିଜ ପ୍ରତିଭା ବଳରେ ସଫଳତା ହାସଲ କରିପାରେ। ଏହି ଫିଲ୍ମ ଦର୍ଶକଙ୍କୁ ଏକ ଭିନ୍ନ ଚିନ୍ତାଧାରା ଦେଇଛି।
ତାଙ୍କ ବ୍ୟକ୍ତିଗତ ଜୀବନକୁ ନେଇ ମଧ୍ୟ ଅନେକ ପ୍ରଶ୍ନ ଉଠିଛି। ବିଶେଷ କରି ତାଙ୍କ ବିବାହ ସମ୍ପର୍କରେ ଲୋକଙ୍କ ଆଗ୍ରହ ଅଧିକ ରହିଛି। ତେବେ ସେ ସ୍ପଷ୍ଟ କରିଛନ୍ତି ଯେ ସେ ଏପର୍ଯ୍ୟନ୍ତ ବିବାହ କରିନାହାନ୍ତି। ତାଙ୍କ କହିବା ଅନୁସାରେ, ସେ କିନ୍ନର ସମ୍ପ୍ରଦାୟର ଆଶୀର୍ବାଦ କମ୍ୟୁନିଟିରୁ ଆସିଛନ୍ତି ଏବଂ ଏହି ସମ୍ପ୍ରଦାୟର ଜୀବନଶୈଳୀ ଓ ସାମାଜିକ ପରିସ୍ଥିତି ସାଧାରଣ ଲୋକଙ୍କଠାରୁ କିଛିଟା ଭିନ୍ନ। ସେହି କାରଣରୁ ବିବାହକୁ ନେଇ ତାଙ୍କର କୌଣସି ଇଛା ନାହିଁ।
ସବୁଠାରୁ ବଡ଼ କଥା ହେଲା, ସେ ଏପର୍ଯ୍ୟନ୍ତ ସ୍ପଷ୍ଟ କରିନାହାନ୍ତି ଯେ ଭବିଷ୍ୟତରେ ସେ ବିବାହ କରିବେ କି ନାହିଁ। ଏହି ପ୍ରଶ୍ନର ଉତ୍ତର ସେ ସମୟ ଉପରେ ଛାଡ଼ି ଦେଇଛନ୍ତି। ତାଙ୍କ ମତରେ, ବିବାହ ଜୀବନର ଏକ ଅଂଶ ହୋଇପାରେ, କିନ୍ତୁ ଜୀବନର ଏକମାତ୍ର ଲକ୍ଷ୍ୟ ନୁହେଁ। ନିଜ ପରିଚୟ, ଆତ୍ମସମ୍ମାନ ଏବଂ ସ୍ୱପ୍ନକୁ ପୂରଣ କରିବା ତାଙ୍କ ପାଇଁ ଅଧିକ ଗୁରୁତ୍ୱପୂର୍ଣ୍ଣ। ଯଦି ଜୀବନରେ ସେମିତି କେହି ପୁଅ ତାଙ୍କୁ ମିଳନ୍ତି ତେବେ ଜୀବନ ସାଥି ଭାବେ ଗ୍ରହଣ କରିବାରେ ତାଙ୍କର କୌଣସି ଆପତ୍ତି ନାହିଁ ।
ଆଜି ସେ କେବଳ ଜଣେ ଅଭିନେତ୍ରୀ ନୁହେଁ, ବରଂ ହଜାର ହଜାର କିନ୍ନର ଏବଂ ଟ୍ରାନ୍ସଜେଣ୍ଡର ଯୁବପିଢ଼ିଙ୍କ ପାଇଁ ଏକ ପ୍ରେରଣା। ତାଙ୍କ କାହାଣୀ କହୁଛି ଯେ ଜୀବନରେ ପରିସ୍ଥିତି ଯେତେ କଠିନ ହେଉନାହିଁ, ଯଦି ଆତ୍ମବିଶ୍ୱାସ ଓ ପରିଶ୍ରମ ଥାଏ, ତେବେ ସଫଳତା ନିଶ୍ଚିତ ମିଳିବ।
‘ଅଭିସାର’ ଫିଲ୍ମ ମାଧ୍ୟମରେ ସେ କେବଳ ନିଜର ଅଭିନୟ ଦକ୍ଷତା ଦେଖାଇନାହାନ୍ତି, ବରଂ ସମାଜକୁ ଏକ ସୁନ୍ଦର ସନ୍ଦେଶ ମଧ୍ୟ ଦେଇଛନ୍ତି—ମଣିଷକୁ ତାଙ୍କ ଲିଙ୍ଗ କିମ୍ବା ପରିଚୟ ଆଧାରରେ ନୁହେଁ, ବରଂ ତାଙ୍କ ପ୍ରତିଭା ଏବଂ ମାନବିକତା ଆଧାରରେ ବିଚାର କରାଯିବା ଉଚିତ। ଏହି ସନ୍ଦେଶ ହିଁ ଫିଲ୍ମର ପ୍ରକୃତ ସଫଳତା।
ପ୍ରଥମ ଓଡ଼ିଆ କିନ୍ନର ହିରୋଇନ ଭାବରେ ଭୂମି ତିଆରି କରିଛନ୍ତି ନୂଆ ଇତିହାସ । ସେ ପାଲଟିଛନ୍ତି ହଜାର ହଜାର ଟ୍ରାନ୍ସ Transwomenଙ୍କ ପ୍ରେରଣା ଭୁଲ ରାସ୍ତା ଚୟନ ନକରି ସେ ଚୟନ କରିଥିଲେ ସଂଘର୍ଷର ରାସ୍ତା ଆଜି ସଫଳତା ପାଇ ହେଲେ ପ୍ରଥମ ଓଡ଼ିଆ କିନ୍ନର ହିରୋଇନ
Mandalbiswajit@510