By Odisha Prabhab 
30-08-2026 ଏମିତି ଏକ ଦିନ ଏକାଠି ହୋଇଥିଲେ ଦୁଇ ପ୍ରେମପକ୍ଷୀ ସାଗରୀକା ଓ ତାଙ୍କ ପ୍ରେମୀ ଶ୍ରୀନିବାସ ।
ଘର ପରିବାର ବାପା ମା ସମାଜ ସମସ୍ତଙ୍କ ଠାରୁ ଲୁଚି ନିଜ ପ୍ରେମକୁ ବଞ୍ଚାଇବା ପାଇଁ ଶ୍ରୀନିବାସ ନେଇଥିଲେ ଏମିତି ଏକ ପଦକ୍ଷେପ ଯାହା ତାଙ୍କ ଆଣିଦେଇଥିଲା ଲୁହର ସାଗର।
ବିବାହର ଦିନରେ ସାଧାରଣତଃ ସମସ୍ତେ ଖୁସି ଥାଆନ୍ତି କିନ୍ତୁ ଶ୍ରୀନିବାସ ସାଗରୀକା କାନ୍ଦି କାନ୍ଦି କାଟିଥିଲେ ଦିନ କାହିଁକି ନା ସାଗରୀକା ଙ୍କୁ ବିବାହ କରିବା ଶ୍ରୀନିବାସ ଙ୍କ ପାଇଁ ନଥିଲା ଏତେ ସହଜ କାହିଁକି ନା ସାଗରୀକା ଥିଲେ ଦିବ୍ୟାଙ୍ଗ ପିଲାବେଳୁ ଏକ ଦୁର୍ଘଟଣା ଆଣିଦେଇଥିଲା ତାଙ୍କ ଜୀବନରେ ଏମିତି ପରିସ୍ଥିତି ।
ଦୁହେଁ ନିଜର ପରିବାରକୁ ଲୁଚାଇ ବିବାହ କରିଛନ୍ତି କାହିଁକିନା ଶ୍ରୀନିବାସ ଙ୍କ ପରିବାରକୁ ଲାଗେ ତାଙ୍କ ପୁଅ ପାଇଁ ଭଲ ଝିଅ ଖୋଜିଦେବେ ଏପଟେ ସାଗରୀକାଙ୍କ ପରିବାରକୁ ଲାଗେ କାଳେ କେହି ମିଛ ପ୍ରଲୋଭଲନ ଦେଖାଇ ଆମ ଝିଅ ସହିତ କିଛି ଭୁଲ କରିଦେବାନ୍ତି ସେଥିପାଇଁ ନିଜ ପରିବାରଠୁ ଲୁଚି ଦୁହେଁ ବିବାହ କରନ୍ତି ।
ରାଉରକେଲାରେ ରହି ପଢ଼ୁଥିବା ଝିଅ ସାଗରୀକା ଓ କଟକର ପୁଅ ଶ୍ରୀନିବାସ ଦୀର୍ଘ ଦୁଇ ବର୍ଷ ପ୍ରେମ କରନ୍ତି ଜୀବନ ଦୁଃଖ ସୁଖ ବାଣ୍ଟି ଦୁହେଁ ଚାଲନ୍ତି ।
କିନ୍ତୁ ନିଜ ପ୍ରେମକୁ ସାମାଜିକ ସ୍ୱୀକୃତି ଦେବା ଦୁହେଁ ପାଇଁ ଥିଲା କଷ୍ଟସାଧ୍ୟ ଜୀବନର ଅନେକ ଝଡ଼ ଝଞ୍ଜା ସହି 30-08-2026 ରବିବାର ଦିନ ଦୁହେଁ ସମାଜ ପରିବାରଠୁ ଲୁଚି ନିଜ ପ୍ରେମକୁ ଦିଅନ୍ତି ଏକ ନୂତନ ପରିଚୟ ।
ଝିଅ ସାଗରିକ ନିଜର ପ୍ଲାଷ୍ଟିକ ଗୋଡ଼ରେ ଜୀବନରେ ପ୍ରଥମ ଥର ଲଗାନ୍ତି ଅଳତା ଓ ପିନ୍ଧନ୍ତି ପାଉଁଜି ଲୁହ ଆଖିରେ କହିଯାନ୍ତି ଅନେକ କାହାଣୀ ଯାହା ଶୁଣିଲେ ଆପଣଙ୍କ ଅଖିରେ ମଧ୍ୟ ଲୁହ ଆସିଯିବ।
ଜୀବନ ଯୁଦ୍ଧରେ ହାରି ନଥିବା ଝିଅ ସାଗରୀକା କେବେ ହେଲେ ଭାବି ନଥିଲେ ତାଙ୍କ ଜୀବନରେ ଶ୍ରୀନିବାସଙ୍କ ଭଳି ଏକ ପୁଅ ଆସିବ ଓ ତାଙ୍କ ଦୁଃଖ ଭରା ଜୀବନରେ ଖୁସିର ରଙ୍ଗ ଭରିଦେବେ
ସମାଜ ଆଖିରେ ସାଗରୀକା ଥିଲେ ଜଣେ ଦିବ୍ୟାଙ୍ଗ ହେଲେ ଶ୍ରୀନିବାସଙ୍କ ପ୍ରେମ ଭରା ଆଖିରେ ସାଗରୀକା ଥିଲେ ଜଣେ ସୁନ୍ଦରୀ ପ୍ରେମିକା ।
ଶ୍ରୀନିବାସ ସାଗରୀକାଙ୍କୁ ସାମାଜିକ ଗଣ ମାଧ୍ୟମରେ ଦେଖନ୍ତି ଓ ଜାଣନ୍ତି ପରେ ଶ୍ରୀନିବାସ ନିଜ ଆଡୁ ପ୍ରେମ ନିବେଦନ କରନ୍ତି ସମାଜର ଅସହ୍ୟ ପୀଡା ସହିଥିବା ଝିଅ ସାଗରୀକା ଶ୍ରୀନିବାସଙ୍କ ପ୍ରେମକୁ ମନା କରି ଦିଅନ୍ତି ଓ ପରେ ପ୍ରେମ କୁ ଗ୍ରହଣ କରନ୍ତି ।
କାହା ପାଇଁ ଏହା ଥିଲା ଏକ ସାଧାରଣ ବିବାହ ଦିନ।
କିନ୍ତୁ ସାଗରୀକା ଓ ଶ୍ରୀନିବାସଙ୍କ ପାଇଁ ଏହା କେବଳ ବିବାହ ନୁହେଁ… ଏହା ଥିଲା ଦୁଇ ବର୍ଷର ପ୍ରେମ, ଅନେକ ଲୁହ, ଅନେକ ଅପମାନ, ଅନେକ ପ୍ରଶ୍ନ ଓ ଅନେକ ସଂଘର୍ଷ ପରେ ମିଳିଥିବା ଏକ ନୂଆ ଜୀବନର ଆରମ୍ଭ।
ସାଧାରଣତଃ ବିବାହ ଦିନରେ ଘରେ ଖୁସିର ପରିବେଶ ଥାଏ।
ବନ୍ଧୁବାନ୍ଧବଙ୍କ ଭିଡ଼ ଥାଏ।
ହସ ଥାଏ… ଗୀତ ଥାଏ… ଆଶୀର୍ବାଦ ଥାଏ।
କିନ୍ତୁ ଏହି ବିବାହର କାହାଣୀ ଟିକେ ଅଲଗା।
ଏଠି ବିବାହ ମଣ୍ଡପରେ ହସଠାରୁ ଅଧିକ ଥିଲା ଲୁହ।
ଖୁସିଠାରୁ ଅଧିକ ଥିଲା ଭାବନା।
କାରଣ ସାଗରୀକା ଓ ଶ୍ରୀନିବାସଙ୍କୁ ନିଜ ପ୍ରେମକୁ ବିବାହର ରୂପ ଦେବା ପାଇଁ ନିଜ ନିଜ ପରିବାରଠାରୁ ଲୁଚି ଏହି ପଦକ୍ଷେପ ନେବାକୁ ପଡ଼ିଥିଲା।
ହାତରେ ବିବାହର ଚିହ୍ନ…
ପାଦରେ ପାଉଁଜି…
ଆଉ ପ୍ଲାଷ୍ଟିକ ଗୋଡ଼ରେ ଅଳତା…
ଏହି ଦୃଶ୍ୟ ହୁଏତ ଅନେକଙ୍କୁ ଭାବୁକ କରିଦେବ।
କାରଣ ଅଳତା କେବଳ ଏକ ରଙ୍ଗ ନୁହେଁ।
ଅନେକ ଝିଅଙ୍କ ପାଇଁ ଏହା ବିବାହର ଏକ ସୁନ୍ଦର ସ୍ୱପ୍ନ।
କିନ୍ତୁ ସାଗରୀକାଙ୍କ ପାଇଁ ଏହି ଅଳତା ଥିଲା ତାଙ୍କ ଜୀବନର ଅନେକ ଅପୂର୍ଣ୍ଣ ସ୍ୱପ୍ନର ଏକ ଉତ୍ତର।
ପାଦରେ ପାଉଁଜିର ଶବ୍ଦ ଥିଲା…
ଆଖିରେ ଲୁହ ଥିଲା…
ମୁହଁରେ ଥିଲା ଭାବନା…
ସାଗରୀକା ହୁଏତ ସେହି ମୁହୂର୍ତ୍ତରେ ନିଜ ଜୀବନର ପୁରୁଣା ଦିନଗୁଡ଼ିକୁ ମନେ ପକାଇଥିଲେ।
ଜୀବନର ଅନେକ ଝଡ଼ ଝଞ୍ଜା ସହି 30-08-2026 ରବିବାର ଦିନ ଦୁହେଁ ସମାଜ ପରିବାରଠୁ ଲୁଚି ନିଜ ପ୍ରେମକୁ ଦିଅନ୍ତି ଏକ ନୂତନ ପରିଚୟ ।
Mandalbiswajit@510