ଭୁଲ୍ ଦିଗରେ ରଖିଛନ୍ତି କି ଲାଫିଙ୍ଗ୍ ବୁଦ୍ଧ ?

ଘରକୁ ସୁନ୍ଦର କରିବା ସହ ଶୁଭ ଓ ସକାରାତ୍ମକତା ପାଇଁ ଅନେକ ଲୋକ ଘରେ ଲାଫିଙ୍ଗ ବୁଦ୍ଧଙ୍କ ମୂର୍ତ୍ତି ରଖନ୍ତି । ବାସ୍ତୁ ଓ ଫେଙ୍ଗ୍‌ଶୁଇରେ ଏହାକୁ ଖୁସି, ସମୃଦ୍ଧି ଓ ଭାଗ୍ୟର ପ୍ରତୀକ ଭାବେ ଦେଖାଯାଏ। କିନ୍ତୁ କେବଳ ମୂର୍ତ୍ତି ରଖିଦେଲେ ହେବ ନାହିଁ, ଏହାକୁ କେଉଁ ଦିଗ ଓ କେଉଁ ସ୍ଥାନରେ ରଖାଯାଉଛି, ସେଥିପ୍ରତି ମଧ୍ୟ ଧ୍ୟାନ ଦେବାକୁ କୁହାଯାଏ। ପରମ୍ପରାଗତ ବାସ୍ତୁ ମତ ଅନୁସାରେ ଲାଫିଙ୍ଗ ବୁଦ୍ଧଙ୍କୁ ଉତ୍ତର ଦିଗରେ ରଖିବା ଶୁଭ ବୋଲି ବିଶ୍ୱାସ ରହିଛି। ଏହା ଘରେ ସକାରାତ୍ମକ ପରିବେଶ ଓ ସମୃଦ୍ଧି ବଢ଼ାଇବାରେ ସହାୟକ ହୋଇପାରେ ବୋଲି ମନେ କରାଯାଏ। ଲାଫିଙ୍ଗ ବୁଦ୍ଧଙ୍କୁ ଘରର ମୁଖ୍ୟ ଦ୍ୱାର ନିକଟରେ ଏକ ଟେବୁଲ୍ କିମ୍ବା ଉଚ୍ଚ ସ୍ଥାନରେ ରଖାଯାଇପାରେ। ପରମ୍ପରା ଅନୁସାରେ ମୂର୍ତ୍ତିକୁ ସିଧା ଭୂମି ଉପରେ ରଖିବା ଉଚିତ ନୁହେଁ। ଘରକୁ ପ୍ରବେଶ କରୁଥିବା ସମୟରେ ସହଜରେ ନଜର ପଡ଼ିବା ଭଳି ସ୍ଥାନ ବାଛିବାକୁ କୁହାଯାଏ। ଲାଫିଙ୍ଗ ବୁଦ୍ଧଙ୍କ ନାମ ହିଁ ତାଙ୍କ ହସୁଥିବା ଚେହେରା ସହ ଜଡ଼ିତ। ବାସ୍ତୁ ବିଶ୍ୱାସ ଅନୁସାରେ ହସୁଥିବା ମୁହଁ ଥିବା ମୂର୍ତ୍ତି ଘର ପାଇଁ ଅଧିକ ଶୁଭ ବୋଲି ଧରାଯାଏ । ବାସ୍ତୁ ମତ ଅନୁସାରେ ଲାଫିଙ୍ଗ ବୁଦ୍ଧଙ୍କୁ ବାଥରୁମ୍, ଟଏଲେଟ୍, ରୋଷେଇ ଘର, ଶୋଇବା ଘର କିମ୍ବା ସିଢ଼ି ତଳେ ରଖିବା ଉଚିତ ନୁହେଁ । ମୂର୍ତ୍ତିକୁ ଅସମ୍ମାନଜନକ କିମ୍ବା ଅପରିଷ୍କାର ସ୍ଥାନରେ ରଖିବାକୁ ମଧ୍ୟ ଏଡ଼ାଇବାକୁ କୁହାଯାଏ।