By Odisha Prabhab 
ବର୍ତ୍ତମାନ ଲୋକମାନେ ନିଜର ଆଧୁନିକ ଫଟୋକୁ ୧୯୮୦ ଦଶକର ପୁରୁଣା ଷ୍ଟାଇଲ୍ ପୋଟ୍ରେଟ୍ରେ ବଦଳାଉଛନ୍ତି ଏବଂ ଏହାକୁ ନିଜର ସୋସିଆଲ୍ ମିଡିଆ ପେଜରେ ସେୟାର କରୁଛନ୍ତି। ଏହି ଟ୍ରେଣ୍ଡ୍ରେ କୌଣସି ସାଧାରଣ ଫିଲ୍ଟର ବ୍ୟବହାର କରାଯାଏ ନାହିଁ। ଏଥିରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଇମେଜ୍ ଜେନେରେସନ୍ ଟୁଲ୍ର ସାହାଯ୍ୟ ନିଆଯାଏ।ଉପଭୋକ୍ତାମାନେ ନିଜର ଏକ ସାଧାରଣ ଫଟୋ ChatGPTରେ ଅପଲୋଡ୍ କରନ୍ତି ଏବଂ AIକୁ ନିର୍ଦ୍ଦେଶ ଦିଅନ୍ତି ଯେ, ସେମାନଙ୍କ ମୁହଁ ଓ ଚେହେରାକୁ ସମାନ ରଖି, ସମ୍ପୂର୍ଣ୍ଣ ଫଟୋକୁ ୧୯୮୦ ଦଶକର ଷ୍ଟାଇଲରେ ବଦଳାଇ ଦେବାକୁ । ଏହାର ସବୁଠାରୁ ବଡ଼ ବିଶେଷତ୍ବ ହେଉଛି ଯେ, ଏହା ଆପଣଙ୍କ ଫଟୋର ପୋଷାକ, ହେୟାର ଷ୍ଟାଇଲ୍, ଗହଣା, ଲାଇଟିଂ ଏବଂ ବ୍ୟାକଗ୍ରାଉଣ୍ଡକୁ ସେହି ସମୟର ଫ୍ୟାଶନ ଅନୁସାରେ ବଦଳାଇ ଦିଏ।
ଏହି ଫଟୋଗୁଡ଼ିକ ଦେଖିବାକୁ ପୁରୁଣା ଆନାଲଗ୍ କ୍ୟାମେରାରେ ଉଠାଯାଇଥିବା ଭଳି ଲାଗେ, ଯେଉଁଥିରେ ସାମାନ୍ୟ ଫେଡେଡ୍ ରଙ୍ଗ, ସଫ୍ଟ ଫୋକସ୍ ଏବଂ ଫିଲ୍ମ ଗ୍ରେନ୍ ଦେଖିବାକୁ ମିଳିଥାଏ। ତେବେ ଏହି ଟ୍ରଣ୍ଡର ଫାଇଦା ଉଠାଇ ପାରନ୍ତି ସାଇବର ଠକ । ତେଣୁ ଏହାକୁ ନେଇ ସତର୍କ ରହିବାକୁ ପରାମର୍ଶ ଦେଇଛନ୍ତି କିଛି ୟୁଜର୍ସ । ସୋସିଆଲ ମିଡିଆରେ ଛାଇଯାଇଛି ୮୦ ଦଶକର ଝଡ଼ । ପୂରା ଟ୍ରେଣ୍ଡରେ ରହିଛି ଓଲ୍ଡ ପିକ୍ଚର ଫ୍ରେମ୍ । ନେତାଠୁ ନେଇ ସେଲିବ୍ରିଟି, ଏପରିକି ସାଧାରଣ ଲୋକ ସମସ୍ତେ ପଡ଼ିଛନ୍ତି ରେଟ୍ରୋ ଲୁକ ପ୍ରେମରେ । ମୋବାଇଲ୍ର ଷ୍ଟାଟସ୍, ଡିପିଠୁ ନେଇ ସୋସିଆଲ ମିଡିଆର ଭିନ୍ନ ଭିନ୍ନ ସାଇଟରେ ଏବେ ପୁଳା ପୁଳା ରେଟ୍ରୋ ଲୁକ୍ସ ଫଟୋ। ଯାହାକୁ ଦେଖିବ ସେ ୮୦ ଦଶକର କେମିତି ଦେଖାଯାଉଥିଲା, ତା’ର ଲୁକ୍ କେମିତି ଥିଲା ତା’ର ଫଟୋ ପୋଷ୍ଟ କରୁଛି । ଯାହାକୁ ନେଇ ଚାରିଆଡ଼େ ଖୁବ୍ ଚର୍ଚ୍ଚା ଓ ଆଲୋଚନା । ପୂରା ମାଡ଼ିଚାଲିଛି ଟ୍ରେଣ୍ଡ୍। ପୁରା ବଲିଉଡ ମଧ୍ୟ ରେଟ୍ରୋ ଲୁକର ଦିଓ୍ବାନା। କିଆରା ଆଡଭାନୀ ଏବଂ ସିଦ୍ଧାର୍ଥ ମଲହୋତ୍ରା ମଧ୍ୟ ୮୦ ଦଶକର ଲୁକ୍ ଟ୍ରେଣ୍ଡକୁ ଅନୁସରଣ କରିଛନ୍ତି। ସେମାନେ ସେମାନଙ୍କର ଇନଷ୍ଟାଗ୍ରାମ୍ ଷ୍ଟୋରିରେ ସେମାନଙ୍କର ଲୁକ୍ ସେୟାର କରିଛନ୍ତି। ସେୟାର କରାଯାଇଥିବା ଫଟୋରେ କିଆରା ଆଡଭାନୀ ଏକ ଗୋଲାପୀ ଡ୍ରେସରେ ଦେଖାଯାଇଛନ୍ତି, ଯେତେବେଳେ ସିଦ୍ଧାର୍ଥ ମଲହୋତ୍ରା ଏକ ସମ୍ପୂର୍ଣ୍ଣ ଡେନିମ୍ ଲୁକ୍ ରେ ଦେଖାଯାଇଛନ୍ତି। ପ୍ରଶଂସକମାନେ ସେମାନଙ୍କର ଉଭୟ ଲୁକକୁ ପସନ୍ଦ କରୁଛନ୍ତି। କିଆରା ଏବଂ ସିଦ୍ଧାର୍ଥ ଉଭୟ ଏହି ଫଟୋକୁ ସେମାନଙ୍କ କାହାଣୀରେ ସେୟାର କରିଛନ୍ତି। ଆମିର ଖାନଙ୍କ ପ୍ରଡକ୍ସନ ହାଉସ୍ ନିଜ ଇନଷ୍ଟାଗ୍ରାମରେ ୮୦ ଦଶକର ଟ୍ରେଣ୍ଡର କିଛି ଫଟୋ ସେୟାର କରିଛି। ଏହି ଫଟୋଗୁଡ଼ିକରେ ଆମିର ଖାନ ୮୦ ଦଶକର ଲୁକରେ ନଜର ଆସିଛନ୍ତି। ଏହି ଲୁକରେ ଆମିର ଖାନ ଲାଲ ଟି-ସାର୍ଟ, ଧଳା ଜ୍ୟାକେଟ୍ ଏବଂ ଡେନିମ୍ ଜିନ୍ସ ପିନ୍ଧିଛନ୍ତି। ସୋସିଆଲ ମିଡିଆରେ ପ୍ରଶଂସକମାନେ ଏହି ଲୁକକୁ ପସନ୍ଦ କରୁଛନ୍ତି।