ଟ୍ୱିନ୍ସଙ୍କ ଫେସ୍ ରିଭିଲ୍ !

ଗଣେଶ ଚତୁର୍ଥୀର ଶୁଭ ଅବସରରେ ଭୋଜପୁରୀ ଅଭିନେତ୍ରୀ ସମ୍ଭାବନା ସେଠ ପ୍ରଥମଥର ତାଙ୍କ ଯାଆଁଳା ସନ୍ତାନଙ୍କ ମୁହଁ ସୋସିଆଲ ମିଡିଆରେ ସେୟାର କରିଛନ୍ତି । ବିବାହର ପ୍ରାୟ ୧୦ ବର୍ଷ ପରେ ସମ୍ଭାବନା ମାଆ ହୋଇଥିଲେ। ସେ ସ୍ୱାମୀ ଅବିନାଶ ଦ୍ୱିବେଦୀଙ୍କ ସହ ଯାଆଁଳା ସନ୍ତାନଙ୍କ କିଛି ସୁନ୍ଦର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ଇନଷ୍ଟାଗ୍ରାମରେ ଶେୟାର ହୋଇଥିବା ଫଟୋରେ ଦୁହେଁ ନିଜ ପୁଅ ଓ ଝିଅଙ୍କୁ କୋଳରେ ଧରି ପୋଜ୍ ଦେଇଛନ୍ତି। ଏହି ପରିବାର ଫଟୋ ସାମ୍ନାକୁ ଆସିବା ପରେ ପ୍ରଶଂସକଙ୍କ ମଧ୍ୟରେ ଖୁସିର ମାହୋଲ ଦେଖିବାକୁ ମିଳିଛି। ଏହା ପୂର୍ବରୁ ଜୁଲାଇ ମାସରେ ସମ୍ଭାବନା ଓ ଅବିନାଶ ନିଜ ଯମଜ ସନ୍ତାନଙ୍କ ନାମ ପ୍ରକାଶ କରିଥିଲେ। ପୁଅର ନାମ ‘ଯୁଗାର୍ଥ’ ଏବଂ ଝିଅର ନାମ ‘ଧ୍ୱଜାହ’ ରଖାଯାଇଥିବା ସେମାନେ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଜଣାଇଥିଲେ। ସେତେବେଳେ ଶେୟାର କରାଯାଇଥିବା ଫଟୋରେ ଦୁଇ ଶିଶୁଙ୍କ ମୁହଁକୁ ଇମୋଜି ଦ୍ୱାରା ଢାଙ୍କି ରଖାଯାଇଥିଲା।

ସମ୍ଭାବନା ଓ ଅବିନାଶଙ୍କ ପାଇଁ ଏହି ଖୁସି ଦୀର୍ଘ ପ୍ରତୀକ୍ଷା ପରେ ଆସିଛି। ପ୍ରାୟ ଏକ ଦଶନ୍ଧିର ବିବାହିତ ଜୀବନ ପରେ ଦୁହେଁ ଯାଆଁଳା ସନ୍ତାନଙ୍କୁ ସ୍ୱାଗତ କରିଥିଲେ। ଜୁନ୍ ୪, ୨୦୨୬ରେ ସରୋଗେସି ମାଧ୍ୟମରେ ଗୋଟିଏ ପୁଅ ଓ ଗୋଟିଏ ଝିଅ ଜନ୍ମ ନେଇଥିଲେ। ଏହି ଖୁସି ଖବର ଦେଇ ସମ୍ଭାବନା ଓ ଅବିନାଶ ନିଜ ପରିବାରରେ ଦୁଇ ନୂଆ ସଦସ୍ୟଙ୍କ ଆଗମନକୁ ନେଇ ଆନନ୍ଦ ପ୍ରକାଶ କରିଥିଲେ।
ସମ୍ଭାବନା ନିଜ ଯାଆଁଳା ସନ୍ତାନଙ୍କ ମୁହଁ ସାମ୍ନାକୁ ଆଣିବା ପରେ ପ୍ରଶଂସକମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ଦୀର୍ଘ ପ୍ରତୀକ୍ଷା ପରେ ମାଆ-ବାପା ହୋଇଥିବା ସମ୍ଭାବନା ଓ ଅବିନାଶ ଏବେ ନିଜ ଦୁଇ ସନ୍ତାନଙ୍କ ସହ ପ୍ରତିଟି ଖାସ୍ ମୁହୂର୍ତ୍ତକୁ ଉପଭୋଗ କରୁଛନ୍ତି। ସନ୍ତାନଙ୍କ ସହ ଏହି ପାରିବାରିକ ଫଟୋଗୁଡ଼ିକ ଏବେ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି।