ରାହୁଲ ଗାନ୍ଧୀଙ୍କ ପ୍ରଧାନମନ୍ତ୍ରୀ ହେବା ରାସ୍ତା ସଫା !

୨୦୨୯ ଲୋକସଭା ନିର୍ବାଚନକୁ ଆଉ ସମୟ ଥିଲେ ମଧ୍ୟ, ବିରୋଧୀ INDIA ବ୍ଲକର ନେତୃତ୍ୱକୁ ନେଇ ଏବେଠାରୁ ଚର୍ଚ୍ଚା ଜୋର ଧରିଛି । ଏହି ଚର୍ଚ୍ଚାର କେନ୍ଦ୍ରରେ ରହିଛନ୍ତି କଂଗ୍ରେସ ନେତା ତଥା ଲୋକସଭା ବିରୋଧୀ ଦଳ ନେତା ରାହୁଲ ଗାନ୍ଧୀ । ସେପ୍ଟେମ୍ବର ୨୦୨୬ରେ କଂଗ୍ରେସର ମହାସଚିବ କେ.ସି. ବେଣୁଗୋପାଳ କହିଥିଲେ ଯେ ୨୦୨୯ ନିର୍ବାଚନରେ ରାହୁଲ ଗାନ୍ଧୀ INDIA ବ୍ଲକର ଚେହେରା ହେବେ। ଏହି ବକ୍ତବ୍ୟ ରାହୁଲଙ୍କୁ ନେଇ କଂଗ୍ରେସର ମନୋଭାବକୁ ସ୍ପଷ୍ଟ କରୁଛି। କିନ୍ତୁ ଏଠାରେ ଗୋଟିଏ ବଡ଼ ପ୍ରଶ୍ନ ରହିଛି ଏହା କେବଳ କଂଗ୍ରେସର ମତ ନା INDIA ବ୍ଲକର ସମସ୍ତ ଦଳର ସହମତି ? ତାହା ଆଗକୁ ସମୟ କହିବ । ସେପ୍ଟେମ୍ବର ୮ରେ CPI(M) ମହାସଚିବ ଏମ୍.ଏ. ବେବି କହିଥିଲେ ଯେ ୨୦୨୯ ପାଇଁ INDIA ବ୍ଲକ ଏପର୍ଯ୍ୟନ୍ତ କୌଣସି ପ୍ରଧାନମନ୍ତ୍ରୀ ପ୍ରାର୍ଥୀ ନିର୍ଦ୍ଧାରଣ କରିନାହିଁ । ତାଙ୍କ ମତରେ ଏବେଠାରୁ କୌଣସି ନେତାଙ୍କୁ PM ପ୍ରାର୍ଥୀ ଭାବେ ପ୍ରୋଜେକ୍ଟ କରିବା ଆଗୁଆ ପଦକ୍ଷେପ।
କଂଗ୍ରେସର ନିଜ ଦଳ ମଧ୍ୟରୁ ମଧ୍ୟ ସମାନ ମତ ଆସିଛି । ପୂର୍ବତନ ମହାରାଷ୍ଟ୍ର ମୁଖ୍ୟମନ୍ତ୍ରୀ ପୃଥ୍ୱୀରାଜ ଚଭାଣ ସେପ୍ଟେମ୍ବର ୯ରେ କହିଥିଲେ ଯେ ୨୦୨୯ ପାଇଁ ରାହୁଲଙ୍କୁ ବିରୋଧୀଙ୍କ PM ପ୍ରାର୍ଥୀ ଭାବେ ଘୋଷଣା କରିବା ନେଇ ଏବେ କହିବା ଶୀଘ୍ର ହେବ। ତାଙ୍କ ଗୁରୁତ୍ୱ INDIA ଦଳଗୁଡ଼ିକର ଏକତା ଉପରେ ଥିଲା । ଅନ୍ୟପଟେ, ଯୁବ ଭୋଟରଙ୍କ ମଧ୍ୟରେ ରାହୁଲଙ୍କ ପହଞ୍ଚ ବଢ଼ାଇବା ପାଇଁ କଂଗ୍ରେସ ‘ଛାତ୍ରଙ୍କ କି ଗୁଞ୍ଜ’ ଭଳି କାର୍ଯ୍ୟକ୍ରମ କରୁଛି । ୨୦୨୬ର ଏକ India Today Mood of the Nation ସର୍ଭେ ଅନୁସାରେ Gen Z ଉତ୍ତରଦାତାଙ୍କ ମଧ୍ୟରୁ ଗୋଟିଏ ବଡ ପ୍ରତିଶତ ରାହୁଲ ଗାନ୍ଧୀଙ୍କୁ ପ୍ରଧାନମନ୍ତ୍ରୀ ପାଇଁ ପସନ୍ଦ କରିଥିବା କୁହାଯାଇଛି। ଏହା ସହିତ, ଯୁବ ଭୋଟରଙ୍କ ରାଜନୈତିକ ପସନ୍ଦ ନେଇ ଆଉ ଏକ ବାସ୍ତବତା ମଧ୍ୟ ଦେଖିବାକୁ ମିଳୁଛି । ଦିଲ୍ଲୀ ୟୁନିଭର୍ସିଟି ଛାତ୍ର ସଂଘ ନିର୍ବାଚନରେ ରାହୁଲଙ୍କ ‘ଛାତ୍ରଙ୍କ କି ଗୁଞ୍ଜ’ କାର୍ଯ୍ୟକ୍ରମକୁ ମିଳିଥିବା ଦୃଶ୍ୟମାନ ଉତ୍ସାହ ସତ୍ତ୍ୱେ NSUI ନିର୍ବାଚନରେ ବଡ଼ ସଫଳତା ପାଇପାରିନଥିଲା । ତଥ୍ୟ କହୁଛି କଂଗ୍ରେସ ରାହୁଲଙ୍କୁ INDIA ବ୍ଲକର ଚେହେରା ଭାବେ ଆଗକୁ ରଖୁଛି । ଏହାର ଅର୍ଥ, ୨୦୨୯ ପୂର୍ବରୁ ରାହୁଲଙ୍କ ନେତୃତ୍ୱ ନେଇ ରାଜନୈତିକ ଚର୍ଚ୍ଚା ନିଶ୍ଚିତ ଭାବେ ଜାରି ରହିବ। କିନ୍ତୁ ଅନ୍ତିମ PM ଚେହେରା ନେଇ INDIA ବ୍ଲକର ସର୍ବସମ୍ମତ ନିଷ୍ପତ୍ତି ଏପର୍ଯ୍ୟନ୍ତ ସାମ୍ନାକୁ ଆସିନାହିଁ । ଏହାର ଉତ୍ତର ଆଗାମୀ ରାଜନୈତିକ ସମୀକରଣ, ମେଣ୍ଟର ଗଠନ ଏବଂ ନିର୍ବାଚନୀ ରଣନୀତି ପରେ ହିଁ ସ୍ପଷ୍ଟ ହେବ ।