By Odisha Prabhab 
ସୁପରଷ୍ଟାରରୁ ସିଏମ୍ ବନିବା ପରେ ପ୍ରାୟତଃ ଚର୍ଚ୍ଚାରେ ରହିଛନ୍ତି ମୁଖ୍ୟମନ୍ତ୍ରୀ ବିଜୟ । ନୂଆ ନୂଆ ଜନହିତକର ଯୋଜନା ଘୋଷାଣା କରି ଜନତାଙ୍କ ମନ ଜିତୁଛନ୍ତି ତାମିଲନାଡୁ ମୁଖ୍ୟମନ୍ତ୍ରୀ । ତେବେ ବର୍ତ୍ତମାନ ତାମିଲନାଡୁ ମୁଖ୍ୟମନ୍ତ୍ରୀ ସି ଜୋସେଫ ବିଜୟଙ୍କ ସୁନା ମୁଦି ଯୋଜନା ଅସ୍ଥାୟୀ ଭାବେ ସ୍ଥଗିତ ରହିଛି। ସେପ୍ଟେମ୍ବର ୧୫ରେ ଆରମ୍ଭ ହେବାକୁ ଥିଲା। ମୁଖ୍ୟମନ୍ତ୍ରୀ ତାଙ୍କର ପ୍ରଥମ ସରକାରୀ ବିଦେଶ ଗସ୍ତ ପାଇଁ ଲଣ୍ଡନ ଯିବାକୁ ପ୍ରସ୍ତୁତ ହେଉଥିବାରୁ ଏହାକୁ ସ୍ଥଗିତ କରାଯାଇଛି । ବିଜୟ ଏହି ଗସ୍ତ ସମୟରେ ୟୁରୋପୀୟ ଶିଳ୍ପପତିମାନଙ୍କୁ ଭେଟି ତାମିଲନାଡୁକୁ ଏକ ନିବେଶ ଗନ୍ତବ୍ୟସ୍ଥଳ ଭାବରେ ଉପସ୍ଥାପନ କରିବେ।
ବିଜୟ ବୁଧବାର ରାତିରେ ଲଣ୍ଡନ ଅଭିମୁଖେ ବାହାରିବେ ଏବଂ କିଛି ଦିନ ପାଇଁ ୟୁକେ ରାଜଧାନୀରେ ରହିବେ ବୋଲି ଆଶା କରାଯାଉଛି। ସେ ଏମିରେଟ୍ସ ଏୟାରଲାଇନ୍ସର ଏକ ଯାତ୍ରୀବାହୀ ବିମାନରେ ଯାତ୍ରା କରିବେ ବୋଲି ଜଣାପଡିଛି। ଗସ୍ତ ସମୟରେ ବିଜୟ ତାମିଲନାଡୁରେ ବ୍ୟବସାୟ ସ୍ଥାପନ କରିବାକୁ ଏବଂ ରାଜ୍ୟ ପାଇଁ ନୂତନ ନିବେଶ ପାଇଁ ୟୁରୋପୀୟ କମ୍ପାନୀଗୁଡ଼ିକୁ ନିମନ୍ତ୍ରଣ କରିବେ ବୋଲି ଆଶା କରାଯାଉଛି। ଶିଳ୍ପ ଏବଂ ଅର୍ଥ ବିଭାଗର ବରିଷ୍ଠ ଅଧିକାରୀମାନେ ମଧ୍ୟ ଲଣ୍ଡନ ଯାତ୍ରା କରିପାରନ୍ତି ।
ତେବେ ଏହି ଯୋଜନା କେବେ ଠାରୁ କାର୍ଯ୍ୟକାରୀ ହେବ ସେ ବାବଦରେ କୌଣସି ସରକାରୀ ତଥ୍ୟ ଏଯାବତ୍ ମିଳିପାରି ନାହିଁ ।